Badstova for alle, i hjartet av Hallingdal

Velkomen til badstova ved Oppsjø Vasspark i Ål! Her kan du delta på fellesbadstove til faste tider, eller booke badstova til eige bruk.

Badstova ligg ved Ål idrettspark Bråta, rett ved Riksveg 7.

Fellesbadstove

Å ta badstove saman med andre er både sosialt og hyggeleg. Fleire lag og organisasjonar i Ål arrangerer fellesbadstove kvar veke, der alle som ynskjer det kan bli med. Sjå timeplan for full oversikt over dagar og tider.

Sjå timeplanen for denne sesongen

Privat badstove

Ynskjer du ei stille stund i eige selskap? Er de ein familie eller venegjeng som vil ha badstova for dykk sjølv? Badstova kan også bookast privat i inntil to timar. Mer info om bestilling og prisar finn du under.

Bestill tid no

Badstova på Oppsjø: Moderne arkitektur + gode menneskemøter.

  • Bilete av badstova tatt på kveldstid i mørkret. Lys skin ut mellom spilene i vindfanget.
  • Bilete av benkar inne i badstova og utsikt mot vatnet og fjellsida utanfor.
  • Tre kvinner snakkar saman inne i badstova. Den eine har ryggen til fotografen, dei to andre ser vi andletet på.
  • Badstovebygget sett utanfrå. Biletet er tatt på kvelden. Det er skumring.
  • Dekorativt bilete. Planker mot svart bakgrunn.

Er det noko du lurar på?

Her har me samla nokre vanlege spørsmål:

Viss du vil på fellesbadstove treng du ikkje å bestille tid. Der er det berre å møte opp. Det er «fyrst-til-mølla»-prinsippet som gjeldt.

Det er også mogleg å booke heile badstova på oppsette tider. Då har du den for deg sjølv i 2 timar. Ved bestilling får du tilsendt ein kode på epost og sms som du brukar for å låse opp. Du får også tilsendt instruksjonar for riktig bruk.

Merk at badstova ikkje er varm ved ankomst. Oppvarmingstid er ca. 30 min og er rekna med i bookingtida. 

Ja, du kan kjøpe gavekort på Gibbs.no. Du velger sjølv beløp over kr 500.-

Gavekortet gir mottakaren ein kode som dei brukar for å booke badstova til privat bruk. Gavekortet varar i 12 mnd frå kjøpsdato. Det er ikkje mogleg å nytte gavekort til å betale for fellesbadstove/ drop-in.

Start med å opne døra og lufte godt ut. Tørk av benkar og ryggstø med ein fuktig klut eller handkle, og fjern eventuelt søl eller flekkar. Svabre eller fei golvet slik at grus, hår og smuss blir borte, og sjå til at sand frå sluket også blir feia opp. Til slutt tømmer du vassbøtta og ausa, slik at alt er klart for neste gjest. Pass på at badstovedøra er ordentleg lukka før du går, og at badstoveomnen er avslått.

Pris for å booke badstova i 2 timar er kr 500,- 
Du betalar når du bestiller.

Ja, det er mogleg å «droppe inn» på fellesbadstove. Der er det ikkje nødvendig å booke eller melde seg på, på førehand. Fellesbadstovene er organisert av frivillige i Ål, og tilbodet kan endre seg gjennom året. Sjå kalenderen for sesongens badstovetider.

Drop-in-tilbodet på fellesbadstove kostar kr 60 per gong. Du betalar ved å Vippse til #880821

Det er ingen eigen garderobe i tilknytning til badstova, men det går an å skifte i dagsturhytta eller i overbygget mellom BUA og toalettet (utandørs).

Merk at dagsturhytta blir automatisk låst på kvelden. Legg derfor ikkje att klede eller utstyr inne i hytta. Det finst knaggar på ytterveggen til badstova der du kan henge dei frå deg.

Merk også at hytta er open for alle. Det kan derfor kome andre som vil bruke den, medan du skiftar.

Dagsturhytta er utstyrt med ein vedomn. Ta med eigen ved viss du vil fyre opp.

Badstova ved Oppsjø har elektrisk badstoveomn.
På/av-knappen finn du på høgre side når du kjem inn i badstova. Den blir automatisk slått av etter to timar.

Merk at badstova ikkje er varm ved ankomst. Oppvarmingstid er ca. 30 min og er rekna med i bookingtida.

På fellesbadstove er det fyrstemann som kjem som slår på badstoveomnen, og sistemann som reiser som slår den av.

Det er plass til 8 personar i badstova.

Du er sjølv ansvarleg for å passe på verdisaker som blir tatt med til badstova, dagsturhytta og badeplassen. Det finst imidlertid fire låsbare mobiltelefon-skåp på veggen på utsida av badstova til fri bruk.

NB! Du må sjølv ta med hengelås for å låse skåpet.

Oppsjø vasspark er eit statleg sikra friluftslivsområde og omfattar både badeanlegg, badstova, ei dagsturhytte, toalettanlegg og ein BUA-filial for vatnaktivitetar.

Foto: Martin Haugeplass